Haskuka dhe Gacaferri në forumin botërorë të turizmit
BKT
Ekonomi

Haskuka dhe Gacaferri në forumin botërorë të turizmit

Një ekip kosovar është duke marrë pjesë në Forumin Botërorë të Turizmit në Lucern të Zvicres, nga e enjtja deri te shtunën, i cili tubon liderët e industrisë për të diskutuar trendet e zhvillimit dhe vizionin e ardhshëm të lëvizjeve botërore të tregut të udhëtimeve dhe mikpritjes.

Mytaher Haskuka kryetar i komunës së Prizrenit dhe Virtyt Gacaferri drejtor i kompanisë Kosovare të turizmit të avanturës Balkan Natural Adventure janë pjesëmarrë dhe kontribues në senacat e këtij forumi që është duke trajtuar në tri tema kyçe: Inovacionin, industritë “trubulluese” (disruptive industries) dhe zhvillimin e talentit. 


Përgjatë këtyre temave kryesore në forum janë duke u diskutuar edhe shumë gjëra të tjera duke përfshi edhe ndikimin e terrorizmit në turizëm duke u marrë si shembull sulmi i fundit në Sri Lankë. Gacaferri nga Balkan Natural Adventurë është folës në njërin nga sesionet të quajtur paqa dhe turizmi. Ai do të flasë së bashku me ish zëvendës ministrin e turizmit të Kollumbisë dhe me një ndërmarrëse nga Kambogja. 


Pjesëmarrja e kosovarëve është e përkrahur nga fondet e Qeverisë Zviceraine të menagjuara nga organizata Swisscontact, nëprmes projektit PPSE. Ky projekt është duke udhëhequr në zhvillimin e turizmit në Kosovë dhe është një ndër financuesit e produkteve më të mira turistike kosovare siç është Zip Line, Via Ferrata, Kajaking, Parku Avanturave dhe shumë inisiativa të tjera lokale. 


Në forum në ditën e parë pjesëmarrës kanë qenë edhe Ministri i Turizmit i Egjiptit, një nga nën presidentët e kompanisë Amadeus, udhëheqësi i bordit të aeroportit të Zyrihut si dhe CEO in Bidroom, konkurencës kryesore te booking.com si dhe ish CEO i Tag Heuer dhe Hubolt. 


Një pjesë e forumit ju ka përkushtuar Autoritetit të Zhvillimit të Turizmit të Emiratit Arab Ras Al Kaimah. Ky projekti gjigant është përfaqësuar nga CEO i këtoj projekti Haitham Mattar. Ai tregoi për Zip Line dhe Via Ferratat që janë duke u ndërtuar në këtë rezort. Ai gjithashtu tregoi se rezorti gjatë viteve në vazhdim do të ketë nevojë për 10 mijë puntorë nga tërë bota për të përkrahur operacionin.


MË SHUME NGA Ekonomi