Limaj uron me foton e vitit 2010 kur u projektua autostrada “Arbën Xhaferi”
BKT
Ekonomi

Limaj uron me foton e vitit 2010 kur u projektua autostrada “Arbën Xhaferi”

Zëvendëskryeministri i Kosovës, Fatmir Limaj, i ka uruar qytetarët e Kosovës për përurimin e autostradës “Arbën Xhaferi”.

Limaj ka thënë se ndjehet mirë që sot po finalizohet një projekt madhor dhe strategjik i ideuar dhe projektuar në vitin 2010 në kohën kur drejtonte ministrinë e Transportit.

Këtij shkrimi në “Facebook”, Limaj ia ka bashkangjitur edhe një fotografi të asaj kohe.

“Pas Rrugës së Kombit, autostrada ‘Arbën Xhaferi’, është projekti më strategjik i cili e ofron Kosovën me rajonin”, ka shkruar Limaj.

Postimi i plotë i Limajt:

Të nderuar qytetarë,

pak orë na ndajnë nga përurimi i autostradës “Arbën Xhaferi”, autostradë kjo që do ta lehtësojë qarkullimin e njerëzve dhe mallrave dhe do ta lidhë Kosovën me vendet fqinje.

Ndjehem mirë që sot po finalizohet një projekt madhor dhe strategjik i ideuar dhe projektuar në vitin 2010 në kohën kur e drejtoja Ministrinë e Transportit dhe Postë Telekomit.

Pas "Rrugës së Kombit", autostrada “Arbën Xhaferi”, është projekti më strategjik i cili e ofron Kosovën me rajonin.

Urime qytetarëve të Kosovës për këtë projekt madhor.

(Foto e vitit 2010, koha kur drejtoja Ministrinë e Transportit kur ishte ideuar dhe projektuar ndërtimi i kësaj autostrade)


MË SHUME NGA Ekonomi