Oda e Afarizmit të Kosovës fillon fazën e implementimit të projektit të WBF
RTKlive
Oda e Afarizmit të Kosovës filloi fazën e implementimit të projektit nga Fondi i Ballkanit Perëndimor që ka për qëllim rritjen e eksportit dhe bashkëpunimit rajonal, në mes të Kosovës, Shqipërisë dhe Maqedonisë.
Në lidhje me këtë, në Tiranë së bashku me partnerët implementues: Dhomën e Tregtisë dhe Industrisë Tiranë dhe Odën Ekonomike të Maqedonisë Veriperëndimore, u organizua aktiviteti i parë.
Ky takim kishte për qëllim konsolidimin e aktiviteteve të përbashkëta të fushë veprimit sa i përket organizimit të dy eventeve të tjera gjithëpërfshirëse që do të mbahen një B2B në Shkup dhe një workshop në Prishtinë.
Sa i përket kësaj faze palët u dakorduan lidhur me detyrat dhe përgjegjësitë e secilit prej tyre, duke përfshirë edhe specifikat e këtyre organizimeve.
Projekti në fjalë, synim kryesor ka rritjen e shkëmbimeve tregtare dhe rritjen e konkurrueshmërisë sa i përket bashkëpunimeve të ndërsjellta Prishtinë-Tiranë-Shkup.
Pjesë e këtij takimi ishte edhe Dafina Beqiri- menaxhere e programit në WBF dhe Denis Grbo, të cilët theksuan që prioritet i këtij fondi është zhvillimi i qëndrueshëm ekonomik dhe rritja e bashkëpunimit reciprok.
Në këtë takim OAK u përfaqësua nga: Skënder Krasniqi- Kryetar i boridit, Diamant Elshani- Sekretar i bordit, Hasan Gigollaj- Anëtar i bordit, Qendresa Ibrahimi- Koordinatore dhe Vanesa Gashi- Zyrtare.
OEMVP u përfaqësua nga Milaim Ameti - Menaxher Operativ.
Ndërsa CCIT nga: Bashkim Sykja- Këshilltar i Presidentit, Albana Laknori- Sekretare e përgjithshme, Edlira Prenga- Drejtore për marrëdhënie me publikun dhe Aris Tasho- Drejtore e marrëdhënieve me jashtë.























