Mungon llogaridhënia nga Ministria e Bujqësisë për subvencione
BKT
Ekonomi

Mungon llogaridhënia nga Ministria e Bujqësisë për subvencione

Mungon llogaridhënia dhe një strategji e mirëfilltë në Ministrinë e Bujqësisë për subvencionim e fermerëve në bujqësi, kështu u tha sot në tryezën "Debate në Riinvest" në kuadër të platformës që është diskutuar për ‘Skemat e Subvencioneve në Bujqësi’.

Visar Berisha nga Index Kosova theksoi se mjetet e parapara me programin prej 25 milionë eurosh duhet të kenë ndikim dhe qëndrueshmëri në bujqësi.

Berisha theksoi se për të krijuar stabilitet dhe rritje të prodhimtarisë në bujqësi, subvencionet duhet të ndahen në bazë të një analizë që fokusi me qenë në produkte specifike.

Ai shprehu edhe dyshimet për mos llogaridhënie dhe për keqpërdorimin e mjeteve për subvencione, pasi që sipas tij ka raste që fermerët pa punuar fare arën marrin mjete financiare direkte nga Ministria e Bujqësisë.

Edhe Faton Nagavci ekspert në bujqësi thekson se subvencionet për bujqit kosovarë duhet të ndahen në bazë të kritereve. Ai propozoi  që subvencionet të ndahen në bazë të prodhimtarisë, edhe pse sipas tij, nuk ka statistika zyrtare për prodhimtarinë bujqësore.

Për mungesë të statistikave në prodhimin e  bujqësisë, foli edhe Shqipe Dema nga Ministria e Bujqësisë, e cili vlerësoi  se asnjëherë nuk ka pasur të dhëna të sakta për prodhimtarinë në këtë sektor.

Ndërsa, shtoi se nuk kanë mundësi t’i maten ndikimet e programit të subvencionit për prodhimtarinë bujqësore nga fermerët përfitues.

Ndërsa, Enisa Serhati nga Instituti Riinvest, ngriti çështjen e monitorimit dhe llogaridhënies për 25 milionë euro për subvencionet në bujqësi, edhe pse ajo vlerësoj që nuk janë si shumë e madhe krahasuar me shtetin e Maqedonisë që ndanë rreth 200 milionë euro për programin e subvencioneve.


MË SHUME NGA Ekonomi