11:45 / 08.07.2019
Punëtorët e Llotarisë kërkojnë ligj nëpërmjet protestës
RTKlive
Punëtorët e Llotarisë së Kosovës kanë protestuar për të dytën herë para Qeverisë së Kosovës, duke kërkuar nga institucionet ta mbajnë premtimin për ligjin për Llotarinë e Kosovës.
Ismet Uka, anëtar i sindikatës së Llotarisë së Kosovës, tha se kanë dal në protestën e dytë me kërkesat e njëjta siç është inicimi i ligjit për Llotarinë e Kosovës , siç është premtuar, pastaj marrja përsipër e Qeverisë të pagave të punëtorëve të Llotarisë, pasi kjo është kompani publike dhe pronarë është qeverisa, pastaj mbulimi i shpenzimeve për qiradhënie.
Punëtorët e Llotarisë kërkuan zgjidhje sa më të shpejt të problemit të tyre, pasi janë në gjendje të rënd ekonomike.























