Prestreshi vlerëson lart zhvillimet pozitive në sektorin financiar
Zëvendësguvernatori për Mbikëqyrje Financiare të Bankës Qendrore të Republikës së Kosovës, Sokol Havolli, ka pritur në takim Kryetarin e Autoritetit Kosovar të Konkurrencës Valon Prestreshi.
Duke shprehur falënderimin për vizitën në Bankën Qendrore të Republikës së Kosovës, Zëvendësguvernatori Havolli ka njoftuar përfaqësuesit e Autoritetit Kosovar të Konkurrencës për zhvillimet e fundit në sektorin financiar të vendit.
Në frymën e bashkëpunimit mes dy institucioneve, duke u bazuar në mandatet ligjore që kanë të dy institucionet, u diskutua avancimi dhe thellimi i mëtejmë i bashkëpunimit, në shkëmbimin e informatave dhe zbatimit të Memorandumit të Bashkëpunimit në mes të Bankës Qendrore të Republikës së Kosovës dhe Autoritetit Kosovar të Konkurrencës,.
Nga ana tjetër, Kryetari i Autoritetit Kosovar të Konkurrencës Valon Prestreshi vlerësoi lart zhvillimet pozitive në sektorin financiar dhe konfirmoi gatishmërinë për avancimin e bashkëpunimit në mes të dy institucioneve.























