Mbështetja e bizneseve të vogla, prioritet i komunës së Gjakovës
BKT
Ekonomi

Mbështetja e bizneseve të vogla, prioritet i komunës së Gjakovës

Ndër prioritetet kryesore të Komunës së Gjakovës është krijimi i lehtësirave për ndërmarrjet e vogla, në funksion të zhvillimit të tyre.

Kështu është thënë të mërkurën në konferencën informuese e cila është mbajtur në kuadër të Ditëve të Biznesit të Vogël 2019.

“Themelimi i Zyrës së AKB-së, investimet në infrastrukturë, rritja e subvencionimit të bizneseve nga viti në vit, janë disa nga elementet të cilat janë mbështetje dhe lehtësim për funksionimin e bizneseve në Gjakovë. Kjo konferencë u organizua nga Ministria e Tregtisë dhe Industrisë, përkatësisht Agjencia për Investime dhe Përkrahje të Ndërmarrjeve në Kosovë në bashkëpunim me Komunën e Gjakovës, konkretisht Drejtorinë për Zhvillim Ekonomik”, ka njoftuar Komuna e Gjakovës.

Sipas këtij njoftimi, bizneset pjesëmarrëse kanë shfaqur edhe vështirësitë që janë duke hasur gjatë ushtrimit të veprimtarive të tyre, të cilat është thënë se do të adresohen tek institucionet relevante.


MË SHUME NGA Ekonomi