Kurtishaj: Shkëputja e memorandumit për peronizim i papranueshëm
Shoqata e Transportit rrugor të udhëtarëve po e cilëson si të papranueshëm shkëputjen e memorandumit të mirëkuptimit për tarifat e peronizimit nga Stacioni i Autobusëve në Prishtinë.
Lidhur me këtë vendim, kjo Shoqatë sot ka mbajtur një takim me bordin e Stacionit të Autobusëve dhe përfaqësues nga Ministria e Infrastrukturës.
Kryetari i Shoqatës së Transportit rrugor të udhëtarëve, Ruzhdi Kurtishaj, tha se shkëputja e këtij memorandumi të mirëkuptimit është vendim arbitrar dhe i papranueshëm për ta.
Ai tha se janë të gatshëm të bashkëpunojnë me Stacionin e Autobusëve siç kanë bërë edhe më herët.
Ai tha se shkëputja e këtij memorandumi për ta si Shoqatë do të thotë të kthehen në çmimet të cilat kanë qenë para nënshkrimit të memorandumit të mirëkuptimit.























