Nga viti i ardhshëm nuk do të ketë probleme të anulimeve të aterimeve
BKT
Ekonomi

Nga viti i ardhshëm nuk do të ketë probleme të anulimeve të aterimeve

Valentina Gara – menaxhere për marrëdhënie me publikun në Aeroportin Ndërkombëtar të Prishtinës “Adem Jashari” tha se nga viti i ardhshëm nuk do të ketë probleme të anulimeve të aterrimeve.

'Ne vazhdimisht kemi pasur këtë vit rritje, kryesisht gjatë verës dhe festave ku pjesa dërmuese e udhëtarëve janë diaspora apo bashkatdhetarët tanë, të cilët udhëtojnë jashtë, kështu që zakonisht numri i udhëtarëve rritet gjatë festave ndërkombëtare. Sa i përket festave të fundvitit, ndoshta pushimet janë dikur nga data 20 apo 22 dhjetor në shtetet si Gjermania, Zvicra e këto para Kërshëndellave, kështu që fluksi i udhëtarëve rritet deri diku pas datës 15 janar i vazhdojnë pushimet më pas. Kemi një normalizim sa i përket udhëtimeve apo numrit të udhëtarëve. Vitin e kaluar udhëtarin e dy-milionët e kemi arritur më datë 2 dhjetor ndërsa këtë vit këtë numër e kemi arritur në muajin tetor, kështu që presim të kemi diku rreth 2 milionë e 300 mijë udhëtarë ndoshta më pak ose më shumë”, tha Gara.

E problem i mjegullës po vazhdon të jetë shqetësim edhe këtë vit për aeroportin, por nga viti tjetër pritet që ky problem të marrë fund.

Valentina tregon se janë duke u bërë investime në pistën e Aeroportit Ndërkombëtar të Prishtinës dhe nga viti i ardhshëm nuk do të ketë probleme të anulimeve të aterrimeve.

Gara: Nga viti i ardhshëm nuk do të ketë probleme të anulimeve të aterrimeve

“Problemi i mjegullës është një problem i vazhdueshëm në Aeroportin Ndërkombëtar të Prishtinës, meqenëse jemi në një lokacion, i cili ka më së shumti mjegull në Kosovë. Aeroporti fillimisht ka qenë i ndërtuar për fluturime ushtarake, më pas është bërë për fluturime komerciale, prandaj atëherë nuk ka pasur edhe shumë rëndësi moti me mjegull se ndoshta ka qenë edhe më i disponueshëm për ta. Ne kemi mjaft anulime të fluturimeve viteve të fundit për shkak të mjegullës  apo kemi vonesa të cilat përpos që ndikojnë në biznesit tonë, ato ndikojnë edhe në kënaqshmërinë e udhëtarëve pasi ata do të maltretohen. Ne jemi duke bërë investime në pistën e Aeroportit Ndërkombëtar të Prishtinës, po ashtu në kapacitetin e ndriçimit, besojmë se kjo do të përfundojë para vitit të ardhshëm të kësaj kohe, kështu që në vitin e ardhshëm besoj nuk do të kemi asnjë pengesë sa i përket motit me mjegull”, tha Gara.


MË SHUME NGA Ekonomi