Truri i parë “in vitro” për trajtimin e tumoreve te fëmijët
Laboratorët italianë kanë arritur të krijojnë trurin e parë në miniaturë “in vitro”, në përmasat e një kikiriku, në përpjekje për të gjetur mundësi të reja trajtimi për tumoret e trurit te fëmijët.
Rezultatet u botuan në revistën “Nature Communications” dhe u arritën nga një ekip hulumtues i koordinuar nga Luca Tiberi i laboratorit “Armenise-Harvard” për çrregullimet e trurit dhe kancerit, në Universitetin e Trentos.
Universiteti i Trentos drejtoi studimin kërkimor, duke koordinuar një ekip studimi që përfshiu universitetin “La Sapienza” të Romës, spitalin e fëmijëve “Bambino Gesù” në Romë, dhe institutin “Irccs Neuromed-Istituto Neurologico Mediterraneo” në Pozzilli (Isernia), me mbështetje nga fondacioni “Armenise-Harvard”, shoqata italiane për kërkime të kancerit “Airc”, dhe Fondacioni “Caritro” në Trento./ATSH/























