Italia mbyllë të gjitha aktivitetet e bizneseve jo jetësore deri më 3 prill
BKT
Ekonomi

Italia mbyllë të gjitha aktivitetet e bizneseve jo jetësore deri më 3 prill

Të gjitha bizneset italiane duhet të mbyllen deri më 3 prill, me përjashtim të atyre thelbësore për ruajtjen e zinxhirit të furnizimit të vendit, deklaroi kryeministri Giuseppe Conte.

Deklarata vjen si një përpjekje e dëshpëruar për të ndaluar epideminë, pasi të shtunën humbën jetën pothuajse 800 persona. Italia është vendi më i goditur në botë me gati 5 mijë vdekje në total.

“Kjo është kriza më e vështirë e vendit që nga lufta e dytë botërore,” tha Conte, duke shtuar se “vetëm aktivitetet e prodhimit që konsiderohen jetësore për prodhimin kombëtar do të lejohen”.

Vetëm supermarkete, farmacitë, shërbimet postare dhe bankare do të qëndrojnë të hapura.

“Ne po ngadalësojmë motorin e prodhimit të vendit, por ne nuk po e ndalojmë atë,” tha ai. Këto masa hyjnë në fuqi të hënën.


MË SHUME NGA Ekonomi