Bekteshi: Ka interesim të madh për shfrytëzimin e masave ekonomike
Sipas ministrit të Ekonomisë, Kreshnik Bekteshi në vend ka interesim të madh për shfrytëzimin e masave të qeverisë në dy muajt e fundit si rezultat i krizës ekonomike të shkaktuar nga Covid-19.
“Deri më sot mbi 19.000 kompani kanë aplikuar për masën për mbështetje financiare për pagimin e pagave për muajin prill dhe maj në vlerë prej 14.500 denarëve në muaj për çdo punonjës”, tha mes tjerash ministri Bekteshi duke theksuar se aplikimi për këtë masë mbaron ditën e nesërme.
Ministri Bekteshi theksoi se përveç kompanive, interesim të madh për shfrytëzimin e masave ekonomike ka edhe nga të vetëpunësuarit.
“Sipas kërkesave të dorëzuara në Byronë për të Hyra Publike, kemi mbi 10.000 aplikimie nga të vetëpunësuari në Republikën e Maqedonisë së Veriut”, pohoi Bekteshi.























