A është izolimi i mirë për zemër?
A po pësojnë njerëzit më pak sulme në zemër? Dhe a duhet që spitalet të mbrojnë pakicat etnike aziatike me ngjyrë që janë punëtorë të kujdesit shëndetësor, duke i larguar ata nga vija e parë?
Dr. John Wright nga Bradford Royal Infirmary këto pyetje i ka parashtruar në ditarin e tij të fundit, shkruan BBC.
Një nga vëzhgimet intriguese gjatë pandemisë ka qenë ulja e dukshme e pacientëve që vijnë në spital me sulme akute në zemër ose goditje në tru.
Shqetësimi ynë fillestar ishte se njerëzit ishin të frikësuar të hynin ne spital kur duhej – të vuash simptomat në shtëpi sesa të rrezikosh të infektohesh në spital. Ky mund të jetë një nga shkaqet, por sulmet dhe goditjet në zemër janë llojet e episodeve nga të cilat do të prisnit që pacientët të kërkonin ndihmë. Do të prisnit që ata të merren nga shërbimet shëndetësore.
Ndoshta ngadalësimi i jetës sonë të furishme nga bllokimi ynë i detyruar, dhe madje edhe ajri më i pastër që po marrim nga zvogëlimi i trafikut, po na ndihmojnë për të na mbajtur më mirë?
Jeta jonë e ngadaltë mund të jetë duke ushqyer zakone dhe stile të reja më të shëndetshme.
Një ide ka dalë nga njerëzit që përdorin gjurmuesin e shëndetit dhe fitnesit në SHBA.
Ritmi i zemrës është një tregues i mirë për shëndetin e zemrës – sa më i ulët të jetë ritmi i zemrës tuaj aq më mirë – dhe Fitbit ka zbuluar se gjatë mbylljes normat mesatare të zemrës kanë rënë.
Kohëzgjatja e gjumit është rritur gjithashtu me njerëzit që shkojnë në shtrat më herët se normalja dhe flenë më gjatë. Duket sikur bllokimi ka pasur efektin e një pushimi të mirë.























