Bullgaria brenda parametrave të deficitit
Sharr Travel

Bullgaria brenda parametrave të deficitit

Nënkryetari i Komisionit Europian, përgjegjës për ekonominë në interes të popullit, Valdis Dombrovskis, e vlerësoi Bullgarinë si vendin e vetëm që plotëson kriteret për deficitin buxhetor të BE-së, raportoi BGNES.

Në të njëjtën kohë, ai shtoi se janë bërë rekomandime për Bullgarinë dhe 10 shtete të tjera anëtare në lidhje me pastrimin e parave.

Raporti për Bullgarinë thotë se sfidat në luftën kundër korrupsionit vazhdojnë dhe ende nuk ka rezultate bindëse nga ndjekjet penale në nivelet më të larta të qeverisë.

Duke vënë në dukje se Bullgaria është një ndër vendet për të cilat komisioni ka dhënë një rekomandim, komisioneri i BE-së Dombrovskis sqaroi:

“Problemet janë po ato që janë identifikuar në vitet e kaluara. Ka pasur një sërë skandalesh me pastrimin e parave në të gjithë Europën. Ne kemi vënë re se përparimi për arritjen e rekomandimeve ka qenë i pabarabartë – disa vende kanë bërë përparim të rëndësishëm, të tjera një përparim të kufizuar.

“Shtetet anëtare duhet të ndërmarrin veprime të vendosura për t’u mbyllur derën parave të pista, gjë që dëmton financat publike dhe stabilitetin financiar”.

Dokumenti thotë se Bullgaria duhet të përshpejtojë procedurat për mbështetjen efektive për bizneset e vogla dhe të mesme, si dhe të sigurojë qasjen e tyre në financa dhe pagesa fleksibël.

Pavarësisht rritjes së fortë ekonomike dhe një niveli të ulët të papunësisë, Bullgaria po tregohet e ngadaltë në adresimin e problemeve, si niveli i varfërisë dhe pabarazia e të ardhurave, thuhet në raport.


MË SHUME NGA Ekonomi