BB miraton një hua prej 500 milionë dollarë për kompanitë turke
BKT
Ekonomi

BB miraton një hua prej 500 milionë dollarë për kompanitë turke

Banka Botërore miratoi një hua prej 500 milionë dollarë për një projekt në Turqi që synon të financojë ndërmarrjet e vogla dhe të mesme (NVM) të prekura nga pandemia e koronavirusit. Projekti i ndihmës do të zbatohet nëpërmjet dy bankave publike.

Nëj fond kredie prej 250 milionë dollarësh do ti jepet VakifBank, për tia huazuar më pas direkt SME-ve të përshtatshme. Ndërsa 250 milionë të tjera do ti jepet Bankës së Turqisë për Zhvillim dhe Investime (TKYB), fond i cili do të jetë në dispozicion për bankat tregetare, kompanitë qiradhënëse dhe kompanitë e prodhimit me shumicë.

“Një shtyllë kryesore e qasjes së Bankës për të mbështetur vendet klientë në zbutjen e ndikimit të COVID-19 në ekonomi, kompanitë dhe punëtorët e tyre përfshin sigurimin e rritjes së qëndrueshme të biznesit dhe krijimin e vendeve të punës ndërsa vendet ristrukturojnë ekonomitë e tyre”, tha Auguste Kouame,  drejtori i BB për Turqinë.

Ky financim do të ndihmojë në mbajtjen e SME-ve në këmbë dhe në ruajtjen e punësimit gjatë fazës akute të krizës.

Projekti do t’i kushtojë vëmendje të veçantë kompanive të përqëndruara tek punësimi i grave dhe te firmat që veprojnë në rajone që mbeten prapa zonave të zhvilluara./Anadolu Agency


MË SHUME NGA Ekonomi