9 vjet nga vdekja e Ramiz Alisë

9 vjet nga vdekja e Ramiz Alisë

Nëntë vjet më parë, në moshën 86-vjeçare ka ndërruar jetë Ramiz Alia, udhëheqësi i fundit komunist në Shqipëri.

Alia u lind në Shkodër më 18 tetor 1925. Ai u diplomua në shkollën e Partisë në Moskë për filozofinë marksiste -leninisite dhe ngjiti me shpejtësi shkallët e karrierës si një nga njerëzit e afërt të Enver Hoxhës. Në vitin 1961 u bë anëtar me të drejta të plota i byrosë politike të Partisë së Punës. 

Pas vdekjes së Enver Hoxhës, Ramiz Alia u emërua pasuesi i tij, nga viti 1985 deri më 1991. Pas rrëzimit të diktaturës, ishte president i Republikës Popullore Socialiste të Shqipërisë më 1992, post nga i cili dha dorëheqje më 3 prill të atij viti, pas zgjedhjeve të parakohshme parlamentare të 22 marsit që sollën në pushtet Partinë Demokratike.

Veprimtaria e Ramiz Alisë:

Sekretar i Parë KQBRPSH (1949-1955),
Ministër i Arsimit dhe Kulturës (1955-1958),
Anëtar i Byrosë Politike dhe Sekretar i KQ PPSH-së për ideologjinë (1961-1985),
Deputet, Kryetar i Presidiumit të Kuvendit Popullor (1982-1990),
Sekretar i Parë i KQ të PPSH-së (1985-1991)
Kryetar i Këshillit Presidencial (1991).