Abrashi takoi përfaqësuesit e Shoqatës së Importueseve të veturave të reja
BKT
Ekonomi

Abrashi takoi përfaqësuesit e Shoqatës së Importueseve të veturave të reja

Ministri i Infrastrukturës, Arban Abrashi, ka pritur në takim përfaqësuesit e Shoqatës së Importueseve të Autorizuar të Automjeteve të Reja (SHIAR), Zgjim Mitën dhe Fioret Pruthin.

Ministri  shprehu gatishmërinë për të bashkëpunuar me këtë shoqatë në adresimin e problemeve të tyre në importin e veturave të reja.

 

Abrashi bëri të ditur se janë duke u punuar në krijimin e lehtësirave edhe për veturat e së ardhmes, ato elektrike dhe hibride, duke punuar në legjislacion për ta harmonizuar me atë të Bashkimit Evropian.

 

Po ashtu në takim u diskutua edhe për ndikimin e veturave të reja që kanë në rritjen e sigurisë në komunikacion.

Gjithashtu u diskutua për sfidat që po përballen kompanitë nga situata e krijuar nga pandemia COVID-19.

 ​


MË SHUME NGA Ekonomi