15:24 / 02.11.2020
Reagojnë nga QKUK: Operacionet po vazhdojnë sipas planit
Qendra Klinike Universitare e Kosovës, njofton se në Klinikën e Kardiokirurgjisë nuk ka pasur sabotim të punës, por operacionet janë kryer sipas programit operativ të planifikuar.
Mjekët e Klinikës së Kardiokirurgjisë kanë njoftuar drejtorinë e përgjithshme të ShSKUK-së, se nuk ka pasur dhe nuk ka bojkotim të punës dhe se operacionet po realizohen sipas plan-programit.
QKUK, kërkon nga mediet që para publikimit të shkrimeve të tilla, paraprakisht të verifikojnë lajmin.























