Fatkeqësitë natyrore shkaktuan 210 mld dollarë dëme në vitin 2020
BKT
Ekonomi

Fatkeqësitë natyrore shkaktuan 210 mld dollarë dëme në vitin 2020

Katastrofat natyrore në të gjithë botën shkaktuan në dëm prej 210 miliardë dollarë në vitin 2020, me Shtetet e Bashkuara veçanërisht më të goditurat nga uraganet dhe zjarret.

Dëmi, i vlerësuar nga risiguruesi gjerman Munich Re, u rrit nga 166 miliardë dollarë në 2019, dhe vjen ndërsa ngrohja e planetit rrit rreziqet.

Humbjet që u siguruan u rritën në 82 miliardë dollarë nga 57 miliardë dollarë në vitin 2019.

Fatkeqësitë shtojnë barrën e pandemisë së koronavirusit që ka goditur rëndë industrinë e sigurimeve.

“Ndryshimi i klimës do të luajë një rol në rritje në të gjitha këto rreziqeve,” tha anëtari i bordit të Munich Re, Torsten Jeworrek, duke aluduar uragane, zjarre dhe stuhi të tjera.

“Është koha për të vepruar,” tha ai.

Sezoni i uraganeve ishte “hiperaktiv”, me një rekord prej 30 stuhish, duke tejkaluar 28 stuhitë e vitit 2005, tha siguruesi.

Valët e nxehtësisë dhe thatësira po ushqejnë zjarret, me 16 miliard dollarë dëmtime vitin e kaluar në pjesën perëndimore të Shteteve të Bashkuara.

./Reuters


MË SHUME NGA Ekonomi