Maqedonia e Veriut hap tenderin për ndërtimin e tubacionit të gazit
BKT
Ekonomi

Maqedonia e Veriut hap tenderin për ndërtimin e tubacionit të gazit

Maqedonia e Veriut do të hapi një tender për ndërtimin e tubacionit të gazit natyror 68 kilometra Negotino – Gjevgjeli deri në fund të vitit, deklaroi ministri i transportit Blagoj Bochvarski.

Qeveria pret të marrë një leje ndërtimi për tubacionin nga mesi i vitit 2021, shtoi ai.

Bochvarski tha se ndërtimi i tubacionit të gazit nga Negotino në Manastir dhe tubacioni nga Shkupi në Gostivar do të përfundojë në vitin 2021.

Gazsjellësi Negotino – Gjevgjeli do të kalojë nga qyteti i Gjevgjelisë, në kufi me Greqinë, në qytetin e Negotinës ku do të lidhet me tubacionin Shtip – Negotinë.

Kjo ndërlidhje do të lejojë që Maqedonia e Veriut të lidhet me Gazsjellësin Trans Adriatik (TAP) përmes Greqisë./Seenews


MË SHUME NGA Ekonomi