Klinika e Onkologjisë ka kryer mijëra shërbime për një vit
BKT
Shëndetësi

Klinika e Onkologjisë ka kryer mijëra shërbime për një vit

Klinika e Onkologjisë në Qendrën Klinike Universitare e Kosovës, vitin e kaluar ka ofruar mijëra shërbime mjekësore për pacientët e prekur me kancer, ndonëse sistemi shëndetësor në vend po sfidohej fort nga pandemia Covid-19 dhe ishte i detyruar të operonte me kapacitete të reduktuara.

Pavarësisht situatës së krijuar, në Onkologji janë kryer të gjitha kontrollet e zakonshme dhe vizitat specialistike.

“Me kohë, pa vonesë, pacientët kanë marrë edhe kemioterapitë, terapitë biologjike, terapitë e cakut, hormonoterapitë dhe imunoterapitë. Për më tepër, është ofruar mjekim për pacientët nga 24 deri në 48 ore, ndërkaq janë realizuar të gjitha seancat e mjekimit me rrezatim kurativ dhe paliativ, pa lënë anash mjekimin ambulator paliativ, vizitat psikologjike dhe vizitat e mjekimeve fizioterapeutike”, është bërë me dije në njoftimin e QKUK-së.

Së fundmi është kryer edhe rrezatimi i sofistikuar me Brahiterapi për tumoret e organeve gjenitale të femrës.


MË SHUME NGA Shëndetësi