KESCO nënshkruan Memorandum Mirëkuptimi me Qatar Charity

KESCO nënshkruan Memorandum Mirëkuptimi me Qatar Charity

KESCO ka nënshkruar Memorandum Mirëkuptimi me Qatar Charity, ku nga kjo do të përfitojnë 866 fëmijë jetim.

Vlera totale e kësaj marrëveshje është prej 287 mijë euro. Qatar Charity ka marrëveshje bashkëpunimi me më shumë se 42 organizata në gjithë botën. 

Nawaf Al-Hamad përfaqesuesi nga Qatar Charity, u shpreh i lumtur për këtë bashkëpunim me Kosovën.

“Jemi të lumtur ne në Qatar Charity që kemi një bashkëpunim me Kosovën.Pjesëmarrja jonë sot për të nënshkruar këtë marrëveshje që përfitojnë 900 familje është vazhdimi i një sërë projektesh dhe jemi të lumtur për të ju ofruar këtë ndihmë vëllezërve dhe motrave në Kosovë”, tha ai.

Po ashtu, edhe ambasadori i shtetit të Katarit, Ali Bin Hamad, tha se janë të përkushtuar që të fuqizohen marrëdhëniet ndërmjet Kosovës dhe Katarit.

“Shoqata Qatar Charity ka shumë projekte këtu në Kosovë.Ne jemi të përkushtuar që marrëdhëniet ndërmjet Katarit dhe Kosovës t’i shtyjmë edhe më tej dhe t’i promovojmë lidhjet vllazërore ndërmjet Kosovës dhe Katarit”, u shpreh ai.

Zëvendësministër i Financave, Ilir Abiti ka falënderuar për kontributin që po e japin dhe shpreson në thellim të bashkëpunimit.