14:40 / 15.04.2021
Kreditimi i biznesit të madh u rrit me 9,5% në shkurt
Sistemi bankar zgjeroi portofolin e kredisë ndaj biznesit të madh, në fillim të këtij viti.
Të dhënat e Bankës së Shqipërisë tregojnë se për segmentin e biznesit të madh, kreditimi është rritur me ritëm më të lartë, ndaj segmenteve të tjerë të biznesit.
Biznesi i madh është dominues në portofolin e kredisë, me një total prej 191.6 miliardë lekësh, në fund të shkurt 2021.
Ndërkohë rritja vjetore e portofolit të kreditimit të biznesit të madh, shënoi nivelin 9.5%, në shkurt 2021./ATSH























