07:45 / 20.04.2021
Bullgaria mund të aplikojë euron gjatë vitit 2024
"Bullgaria është ende duke punuar mbi planin e rimëkëmbjes - veçanërisht në pjesët për qëllimet e gjelbra dhe përfshirjen sociale, përpara se ta paraqesë atë në Bruksel," vuri në dukje Zëvendës Presidenti i Komisionit Evropian Valdis Dombrovskis para BNR.
Sipas tij, në qoftë se një vend paraqet planin e tij pas fundit të prillit do të marrë para jo më herët nga vjeshta.
"Autoritetet bullgare duhet të vendosin se kur do t’ia paraqitin për miratim planin e rimëkëmbjes Komisionit Evropian," tha Dombrovskis. Sipas tij, megjithë pasojat e krizës dhe situatën politike në Bullgari, vendi ynë mund të aplikojë euron në vitin 2024, nëse plotësohen kriteret e Mastrihtit dhe angazhimet shtesë në lidhje me përgatitjen.























