07:08 / 15.05.2021
Kundërkushtetuese kushtëzimet për regjistrim të veturave
Drejtori i Byrosë Kosovare të Sigurimeve, Sami Mazreku, kushtëzimet ndaj qytetarëve për pagesat e taksave komunale për regjistrim të veturave që aktualisht janë në fuqi i quan kundër kushtetuese dhe tashmë presin që Avokat i Popullit të dalë me rekomandim pasi kjo çështje është duke u trajtuar.
“Unë kam ushtruar një ankesë personalisht në zyrën e Avokatit të Popullit. Kam marrë një njoftim për pranueshmëri, besoj shpejt që Avokati i Popullit duhet të del me një rekomandim ku i drejtohet të gjitha institucioneve ku çdo kushtëzim për regjistrimin e veturave është antikushtetues”, u shpreh Mazreku për Front Online.























