Kompania BEH mbledh 600 mln euro nga shitja e Eurobonove
BKT
Ekonomi

Kompania BEH mbledh 600 mln euro nga shitja e Eurobonove

Bulgarian Energy Holding (BEH) deklaroi se kreu me sukses një emetim 7-vjeçar në Eurobono, në shumën prej 600 milionë eurosh (708.1 milionë $).

Eurobono ka një normë vjetore interesi prej 2.45%, tha BEH në një deklaratë. 

Të ardhurat e mbledhura nga emetimi do të përdoren për të rifinancuar një bono prej 550 milionë eurosh me normë interesi 4.875%, të emetuar në vitin 2016, e cila maturohet në gusht 2021, si dhe për qëllime të përgjithshme korporale, duke përjashtuar aktivitetet e lidhura me qymyrin, deklaroi kompania. 

“Norma e interesit e arritur është më e ulëta që kur kompania ka marrë pjesë në tregjet financiare ndërkombëtare”, tha BEH. 

Shkalla e ulët e interesit e arritur dhe afati më i gjatë i emetimit do ta ndihmojë kompaninë të ulë më tej shpenzimet e saj vjetore të interesit dhe të optimizojë afatin e shlyerjes së borxhit për një periudhë më të gjatë kohe, vuri në dukje BEH. 


MË SHUME NGA Ekonomi