Çaktivizohet bomba nga koha e Luftës së Dytë Botërore në Maribor
Histori

Çaktivizohet bomba nga koha e Luftës së Dytë Botërore në Maribor

Autoritetet sllovene kanë çaktivizuar me sukses një bombë të Luftës së Dytë Botërore të gjetur në fillim të kësaj jave në Maribor.

Sipas agjencisë STA, një pjesë e qytetit të dytë më të madh slloven duhej të evakuohej rreth orës 13:30, kur sirenat sinjalizuan fundin e rrezikut.

Në aksion morën pjesë rreth 150 anëtarë të ekipeve të ndryshme në fushën e mbrojtjes civile, shpëtimit dhe sigurisë, tha kreu i Mbrojtjes Civile të Mariborit, Samo Robiq.

Gjithashtu, siç thuhet, është kryer me sukses evakuimi i rreth 130 banorëve nga zona prej 300 metrash rreth zonës.

Në fillim të kësaj jave, një bombë e Luftës së Dytë Botërore, me peshë 250 kilogramë, u gjet në një kantier ndërtimi në Maribor dhe nuk shpërtheu.

Policia ka rrethuar zonën ku u gjet bomba paraprake dhe në vendngjarje shkoi një ekip për asgjësimin e bombave.

Drejtoria e Policisë në Maribor u bëri thirrje mediave që për arsye sigurie të qëndrojnë larg vendit ku është gjetur bomba dhe të mos ndërhyjnë në punën e ekspertëve.

Maribori, qyteti i dytë më i madh në Slloveni, është një nga qytetet më të bombarduara në ish-Jugosllavi gjatë Luftës së Dytë Botërore.