BE-ja financon objektin e magazinimit të gazit në Bullgari
BKT
Ekonomi

BE-ja financon objektin e magazinimit të gazit në Bullgari

Komisioni Evropian miratoi një grant prej 78 milion euro për një projekt për zgjerimin e strukturës nëntokësore të depozitimit të gazit në Çiren, njoftoi Bulgartransgaz.

Projekti është ndër pesë të miratuar nga BE-ja për të mbështetur Mekanizmin e Lidhjes së Evropës. Zgjerimi është në sinergji me terminalin gazit të lëngshëm natyror pranë Aleksandrupolis dhe projekte të tjera për të përmirësuar ndërlidhjen me vendet fqinje.

Qëllimi është rritja e kapacitetit të depozitimit të gazit nga 550 milion m³ në 1 miliard m³ duke ndërtuar 10 puse të reja eksploatimi dhe 3 puse kontrolli. Kapaciteti ditor i tërheqjes do të rritet nga 3.82 milion m³ në 10 milion m³, dhe kapaciteti i pompimit nga 3.2 milion m³ në 8 milion m³.


MË SHUME NGA Ekonomi