ATK me pesë projekte për rritjen e përmbushjes tatimore
Sipas planit vjetor të punës dhe Planit të Trajtimit të Rreziqeve, Administrata Tatimore e Kosovës do të karakterizohet me projekte të ndryshme në vitin 2022.
Në komunikatën e ATK-së, thuhet se synim i përmirësimit të përmbushjes tatimore, këta sektorë do të trajtohen përmes këtyre projekteve:
1. Projekti “Ndërtimtari” (në vazhdimësi nga viti 2019)
2. Projekti “Punësimi joformal apo punës së padeklaruar” (në vazhdimësi nga viti 2021)
3. Projekti “Akomodimi dhe Shërbimi Ushqimor”
4. Projekti “Mos-deklaruesit”
5. Projekti “Mungesa në stoqe & malli pa origjinë - Tregtia me shumicë”
“Qëllimi i realizimit të këtyre projekteve është rritja e përmbushjes tatimore, edukimi tatimor i bizneseve për obligimet që kanë ndaj ATK-së, rritjen e komunikimit me tatimpagues, si dhe luftimin dhe zvogëlimin e informalitetit”, thuhet në komunikatë.
Për implementimin e këtyre projekteve, kërkohet bashkëpunim me institucionet tjera, të cilat kanë në fokus këto veprimtari./S.Kelmendi























