10:01 / 18.09.2022
MINT vendos çmimet tavan të derivateve për 48 orët e ardhshme
B. Halimi / RTKlive
Ministria e Industrisë, Ndërmarrësisë dhe Tregtisë ka vendosur çmimin tavan për derivate për dy ditët e ardhshme.
Nafta do të mund të shitet me çmimin maksimal 1 euro e 62 cent për litër, që i bie se çmimi është zbritur edhe për dy cent tjerë në krahasim me 24 orët e kaluara. Benzina vazhdon me çmim të njëjtë 1 euro e 35 cent, kurse gazi tani është 1 cent më lirë dhe kushton 75 cent. Këto çmimet kanë hyrë në fuqi nga ora 10:00 dhe janë valide 48 orë.























