Organizata joqeveritare, Transparency International, me bazë në Gjermani, e definon korrupsionin si “abuzim të fuqisë së besuar për përfitime personale”.

Organizata, e cila përpilon indeksin e Perceptimit për Korrupsionin për shtetet, gjithashtu thekson se korrupsioni po ndezë një krizë globale për demokracinë.

Rusia po shihet si vendi më i korruptuar në botë, sipas renditjes së U.S. News, për Vendet më të Mira në 2022.

Ky perceptim bazohet në analizën e 85 shteteve, nxjerrë nga një sondazh me më shumë se 17 mijë njerëz nga e gjithë bota.

Në sondazh, respodentët vlerësuan se cilat shtete i asociojnë me termin “të korruptuar”, një definicion që u la i lirë për tu interpretuar.

Perceptimi për Rusinë si vendi më i korruptuar shënon një rënie nga vendi i 5-të në listën e vitit 2021, kur Iraku kryesonte listën në vendin e parë.

Gjithashtu në 2022, ShBA radhitet në vendin 23, në mesin e vendeve më pak të korruptuara,  pas vendit të 24 në vitin e kaluar.

Më poshtë sjellim listën e 10 vendeve që perceptohen si më të korruptuarat, sipas U.S.News:

Rusia

Irani

Kolumbia

Meksika

Birmania

Brazili

Arabia Saudite

Zambia

Bangladeshi

Bjellorusia