Guvernatori Mehmeti priti në takim përfaqësuesit e FMN-së
A.Bela/RTKlive
Guvernatori i Bankës Qendrore të Kosovës z.Fehmi Mehmeti, gjatë ditës së sotme ka pritur në takim përfaqësues të Fondit Monetar Ndërkombëtar, të udhëhequr nga shefi i misionit për Kosovën, Gabriel Di Bella. Ky i fundit po qëndron në vendin tonë për fillimin e konsultimeve lidhur Artikullin IV për Kosovën.
Siç u tha në njoftim për medie, në këtë takim, guvernatori kosovar e ka njoftuar përfaqësuesin e FMN-së lidhur me performancën e mirë të sektorit financiar në Kosovë, e në veçanti atij bankar duke potencuar rëndësinë e këtij sektori në mbështetje të zhvillimit ekonomik të vendit.
Në këtë takim Mehmeti po ashtu ka shpalosur pikëpamjet e Bankës Qendrore lidhur me perspektivën e zhvillimit ekonomik në përgjithësi dhe rolin e sektorit financiar si kontribuues kyç në financimin e ekonomisë.























