14:49 / 20.12.2022
KEDS zë 163 konsumatorë duke e vjedhur energjinë elektrike
V. Thaçi / RTKlive
KEDS njofton se planet dhe aksionet për kontrolle të keqpërdorimeve të ekipeve të Departamentit të Humbjeve në KEDS vazhdojnë të implementohen në tërë Kosovën në baza ditore.
Sipas njoftimit vetëm gjatë javës së kaluar në të gjitha distriktet dhe nën distriktet janë kryer 1993 kontrolle të konsumatorëve të energjisë elektrike, për të cilët dyshohej se po keqpërdorin rrymën. Prej tyre 163 u vërtetua se po e anashkalonin matjen e saktë të energjisë elektrike.
“Keqpërdorimi i energjisë elektrike është i papranueshëm dhe i dënueshëm. Rastet e tilla, ekipet e KEDS-it do t’i parashtrojnë për procedura të mëtutjeshme gjyqësore”, thuhet në njoftim.























