E në Gjakovë, bujqit e kësaj ane po kërkojnë më shumë mbështetje përmes subvencioneve pasi thonë se rritja e çmimeve ka prekur në masë të madhe ata. Komuna ka bërë të ditur se po i identifikon fermerët që kanë më shumë nevojë për përkrahje.

Kjo është ferma e improvizuar në të cilën Nezir Rexhaj ka mbi 200 krerë dele....Ai ka si synim zgjerimin e saj por siç thotë, kushtet jo të mira po e pamundësojë ta rrisë edhe numrin e deleve.

Por fermerët gjakovarë thonë se përkrahja e institucioneve, sidomos në subvencione, po bën që ata ta ndjejnë veten më të sigurt në prodhimtarinë e tyre.

Ndërkaq zyrtarët komunalë në Gjakovë thonë se vazhdimisht janë duke u përpjekur që të jenë pranë fermerëve, në forma të ndryshme, sidomos tani kur çmimet janë rritur dukshëm.

Ndryshe, sipas zyrtarëve në komunë tashmë janë duke u identifikuar prioritetet për përkrahjen e atyre fermerëve që ngritjen e kapaciteteve e kanë të domosdoshme.