08:57 / 05.04.2023
Gërxhaliu: Raporti i FMN-së vlerëson lart performancën e ATK – së
RTKlive
Ish-kryetari i Odës Ekonomike, Safet Gërxhaliu, tha se raporti i Fondit Monetar Ndërkombëtar (FMN) vlerëson lart performancën e Administratës Tatimore të Kosovës (ATK).
Sipas tij, ky raport pasqyron saktë rritjen e të hyrave tatimore, si rritjen më të madhe të Kosovës në Ballkanin Perëndimor.
“Ndërsa sipas këtij raporti konfirmohet se 1/3 e rritjes i atribuohet rritjes së formalizimit të ekonomisë si rezultat i inspektimeve dhe kontrolleve të ATK-së. Një pjesë e të hyrave sipas këtij raporti është rritur edhe si rezultat i rritjes ekonomike dhe rritjes së formalizimit të punëtorëve (TAP)”, ka shkruar Gërxhaliu në “Facebook”.























