18:10 / 06.07.2023
Themelohet Oda Ekonomike Kosovaro – Japoneze, Bujar Hoxha zgjidhet kryetar
M.P/RTKlive
Sot në Prishtinë është mbajtur kuvendi themelues i Odës Ekonomike Kosovaro - Japoneze. Ndërkaq kryetari i saj me mandat dy vjeçar është zgjedhur Bujar Hoxha.
Përveç përfaqësuesve të kompanive themeluese të kësaj Ode, në kuvendin themelues mori pjesë edhe i ngarkuari me punë në Ambasadën e Japonisë në Kosovë, Keisuke Yamanaka.
Yamanka listoi fushat në të cilat mund të bashkëpunojë Kosova me Japoninë si eksporti, importi e turizmi.
Ndërkaq kryetari Hoxha pasi pranoi detyrën, tha se puna e tij do të fokusohet te konsolidimi i Odës, promovimi i produkteve vendore dhe turizimi.























