12:47 / 18.10.2023
RTK-së i ndahen 2.2 milionë euro për tre muajt e ardhshëm
Komisioni për Buxhet, Punë dhe Transfere, me gjashtë vota për, ka votuar kërkesën për ndarjen e mjeteve buxhetore për periudhën tetor-dhjetor 2023 për Radio Televizionin e Kosovës.
Kryetari i këtij Komisioni, Armend Muja, tha se shuma e ndarë për RTK-në për këtë periudhë është 2 milionë e 240 mijë euro.
Ai shtoi se diskutimet për këtë pikë kanë përfunduar dhe obligohet drejtori i përgjithshëm i thesarit në Ministrinë e Financave që ta bëjë ndarjen e këtyre mjeteve buxhetore për RTK-në.























