13:33 / 13.06.2024
Shqipëri-Itali, gjermani Felix Zwayer ndanë drejtësinë
F.Bytyqi/RTKLive
Kombëtarja shqiptare aventurën në Evropianin ‘Gjermani 2024’ do ta nis të shtunën mbrëma.
Kuqezinjtë do të ndeshen me Italinë në Dortmund, në një sfidë që pritet të jetë e zjarrtë.
Tashmë shtëpia e futbollit evropian, ka vendosur arbitrin që do të ndajë drejtësinë në duelin Shqipëri-Itali, ndeshje që i është besuar gjermanit Felix Zwayer.
Ai do asistohet nga Stefan Lupp dhe Marco Achmüller, derisa Bastian Dankert është gjyqtari i VAR-it, kurse, gjyqtari i katërt është Daniel Siebert.
Ndeshja Shqipëri-Itali fillon në orën 21:00.
Kujtojmë së në grupin e Shqipërisë bëjnë pjesë edhe Spanja dhe Kroacia.























