Ukraina fiton me përmbysje të rezultatit ndaj Sllovakisë
BKT
Foto: Uefa.com
Euro 2024

Ukraina fiton me përmbysje të rezultatit ndaj Sllovakisë

B.H./RTKlive

(Plotësuar) Ukraina iu gëzua fitores së parë në Euro 2024, falë një përmbysje të rezultatit në ndeshjen kundër Sllovakisë (2:1).

Djelmoshat e Sergej Rebrov luajtën një pjesë të dytë perfekte, duke shënuar dy gola dhe duke qëndruar kësisoj në garë për fazën eliminatore. 

Sllovakët u futën më mirë në ndeshje dhe filluan të krijojnë raste që në fillim. Haraslin, Schranz dhe Hanzko kërcënuan, por pa gjetur golin. Rezultati u zhbllokua në minutën e 17-të kur Ivan Shrantz shënoi me gjuajtje me kokë pas një krosimi nga një pozicion i vështirë i Haraslin.

Ukrainasit patën dy raste në pjesën e parë me Timchuk dhe Zinchenko, ndërsa Haraslin tentoi sërish për sllovakët, por nuk pati ndryshime në rezultat. 

Gjërat ndryshuan për të mirë për ukrainasit pas pushimit. Ribrov sikur i zgjoi lojtarët e tij nga gjumi, kështu që ukrainasit u rikthyen shumë më mirë lojë. Si rrjedhojë e një paraqitje të tillë erdhi edhe goli i barazimit nga Mykola Shaparenko, i cili u harrua në zonën e penalltisë nga mbrojtja sllovake dhe pasi mori një top nga Zinchenko e dërgoi atë mjeshtërisht në rrjetë për 1-1 në minutën e 54-t. 

Ukraina edhe në vazhdim ishte kundërshtari më i mirë në fushë dhe pas disa rasteve erdhi edhe goli i fitores dhjetë minuta para fundit. Shaparanko dërgoi një top në zonën e rreptësisë, ku Roman Yaremchuk bëri një punë të shkëlqyer dhe e vendosi topin pas shpinës së Dubravkas, për 1-2. 

Sllovakia në epërsi ndaj Ukrainës pas 45 minutave të parë

Kombëtarja e Sllovakisë e ka mbyllur në epërsi pjesën e parë në përballje me Ukrainën (1:0) në ndeshjen e Grupit E në Euro 2024.

Golin e vetëm në stadiumin "Merkur Spiel-Arena" në Dyselforf e shënoi Ivan Schranz, me gjuajtje me kokë pas asistimit të Lukáš Haraslin. Pas këtij goli ukrainasit bën presion të vazhdueshëm drejt portës sllovake, por fati u mungoi të gjejnë golin e barazimit.

Tani Ukraina dhe Sllovakia kanë nga 3 pikë në Grupin E, aq sa ka edhe Rumania, e cila nesër do të përballet me Belgjikën, e cila edhe më tutje është pa pikë.