Holandë-Francë nuk jep fitues e as gola
BKT
Euro 2024

Holandë-Francë nuk jep fitues e as gola

B.H./RTKlive

Ka përfunduar pa gola ndeshja Holandë-Francë, në kuadër të Grupit D, e cila u zhvillua në Leipzig.

Të dyja ekipet shfaqën lojë të mirë dhe me disa raste shënimi, por asnjëra nuk e gjeti rrugën e golit. Në fakt, holandezët shënuan në pjesën e dytë, kur në minutën e 69-të, Xavi Simmons shënoi gol për “tulipanët” me gjuajtje nga distanca, por me ndërhyrjen VAR-it goli doli të jetë i pavlefshëm për pozitë jashtë loje, pasi njëri nga lojtarët e skuadrës holandeze ishte aktiv para portierit francez, Magnan.

Te Franca u vërejt mungesa e Kylian Mbappe në sulm. Pas këtij barazimi të dyja ekipet kanë nga 4 pikë, derisa Austria ka 3 pikë. Në ndeshjet e xhiros së tretë, Franca luan kundër Polonisë, derisa Holanda kundër Austrisë.