11:33 / 23.01.2025
Ajri i ndotur, IKSHPK: Të reduktohen daljet në qytet
V.Th. RTKlive
Instituti Kombëtar i Shëndetësisë Publike të Kosovës, ka bërë një rekomandim sa i përket cilësisë së ajrit, çështje e cila është diskutuar ditëve të fundit, duke theksuar se, për shëndetin e njeriut është rrezik ndotja e ajrit, e sidomos për grupet e ndjeshme dhe ato me sëmundje të rrugëve dhe organeve të frymëmarrjes.
IKSHPK, ka treguar edhe për efektet shëndetësore që ka ndotja e ajrit, si ato afatshkurta dhe ato afatgjata.
Po ashtu, IKSHPK-ja ka dhënë edhe rekomandime se si të reduktohet ky rrezik, duke kërkuar nga qytetarët që të dalin me pak në qytet, të qëndrojnë në shtëpi, si dhe të përdorën maska.























