Ismaili në ceremoninë e ndërrimit të menaxhmentit të Bankës së Austrisë
BKT
Ekonomi

Ismaili në ceremoninë e ndërrimit të menaxhmentit të Bankës së Austrisë

RTKlive

Guvernatori i Bankës Qendrore të Republikës së Kosovës (BQK), z. Ahmet Ismaili, pati nderin të marrë pjesë në ceremoninë zyrtare të ndërrimit të udhëheqjes në Bankën Kombëtare të Austrisë (Oesterreichische Nationalbank – OeNB), nga Guvernatori z. Robert Holzmann te Guvernatori i sapoemëruar z. Martin Kocher.

.

Ngjarja e nivelit të lartë mblodhi drejtues të lartë të shtetit austriak, përfshirë Kancelarin Federal dhe Ministrin e Financave, si dhe përfaqësues të institucioneve financiare ndërkombëtare, ndër ta anëtarja e Bordit Ekzekutiv të Bankës Qendrore Evropiane, si dhe guvernatorë të bankave qendrore nga Franca, Sllovenia, Kosova dhe Sllovakia. Pjesëmarrja e guvernatorëve të pranishëm u përshëndet zyrtarisht, përfshirë edhe ajo e Guvernatorit Ismaili.

BQK dhe OeNB kanë një partneritet afatgjatë në fusha te ndryshme si stabiliteti financiar, hulumtimit kërkimor dhe ngritjes së kapaciteteve, me një traditë në shkëmbimin e ekspertizës dhe praktikave më të mira. Të dy institucionet po ashtu bashkëpunojnë ngushtë si pjesë e së njëjtës konstituencë në Fondin Monetar Ndërkombëtar (FMN) dhe në Grupin e Bankës Botërore, duke siguruar dialog e koordinim të vazhdueshëm në nivel ndërkombëtar. Ky bashkëpunim u nderua më tej kur BQK pati nderin të mirëpriste Guvernatorin Holzmann si folës kryesor në ceremoninë e 25-vjetorit të saj dhe konferencën e vitit të kaluar.

Me këtë rast, Guvernatori Ismaili shprehu mirënjohjen e tij për bashkëpunimin e shkëlqyer me OeNB-në, duke nënvizuar rëndësinë e partneriteteve të tilla për forcimin e kapaciteteve institucionale dhe avancimin e mandatit të bankës qendrore. Ai po ashtu i uroi sukses Guvernatorit Kocher në mandatin e tij, duke rikonfirmuar përkushtimin e BQK-së për të thelluar bashkëpunimin në funksion të stabilitetit financiar rajonal, integrimit dhe zhvillimit ekonomik të qëndrueshëm.


MË SHUME NGA Ekonomi