Botërori 2026, s’ka fitues në përballjen Çeki-Afrika e Jugut
BKT
Botërori 2026

Botërori 2026, s’ka fitues në përballjen Çeki-Afrika e Jugut

F.B/RTKLive

(E përditësuar, 20:02) Çekia dhe Afrika e Jugut kanë ndarë pikët në ndeshjen e Grupit A në Kupën e Botës 2026, duke barazuar 1:1 në një duel të zhvilluar të enjten mbrëma.

Takimi u karakterizua me ritëm të lartë dhe me të dyja skuadrat që kërkonin me ngulm fitoren për të mbetur në garë për kualifikim në fazën tjetër të turneut.

Çekia e nisi më mirë ndeshjen dhe kaloi në epërsi që në minutën e 6-të, kur Sadílek shënoi për 1:0. Pas golit të hershëm, çekët kontrolluan më mirë lojën, ndërsa Afrika e Jugut tentoi të reagojë, por pa arritur të krijojë raste të pastra për barazim deri në fund të pjesës së parë.

Në pjesën e dytë, ndeshja u bë më dinamike dhe me më shumë presion nga Afrika e Jugut, e cila arriti të gjejë golin e barazimit në minutat e fundit. Mokoena realizoi nga penalltia në minutën e 83-të për 1:1, rezultat që mbeti i pandryshuar deri në fishkëllimën e fundit.

Pas këtij barazimi, të dy skuadrat ndajnë nga një pikë në Grupin A, ndërsa grupin për momentin e kryesojnë Meksika dhe Koreja e Jugut me nga tre pikë secila.

Barazon Afrika e Jugut

(E përditësuar, 19:47)-Afrika e Jugut e ka barazuar rezultatin në përballje me Çekinë.

Çekët dhe Afrika e Jugut po ballafaqohen në kuadër të Grupit A në Kupën e Botës 2026, ndeshje që mund ta ndiqni drejtpërdrejt në RTK.

Afrikanët në finish të kësaj sfidë përmes Mokoena në minutën e 83-të realizoi nga penalltia për barazuar shifrat në 1-1.

Çekia mbyll pjesën e parë në avantazh ndaj Afrikës së Jugut

(E përditësuar, 18:51) Ka përfunduar pjesa e parë e ndeshjes mes Çekisë dhe Afrikës së Jugut në kuadër të Grupit A në Kupën e Botës 2026, me çekët që shkojnë në pushim me epërsi minimale 1:0.

Çekia e nisi shumë më mirë takimin dhe arriti të gjejë golin e avantazhit që në minutën e 6-të, kur Sadílek realizoi për 1:0.

Pas golit të hershëm, Çekia kontrolloi ritmin e lojës, ndërsa Afrika e Jugut tentoi të reagojë, por pa arritur të krijojë raste të pastra për barazim deri në fund të pjesës së parë.

Me këtë rezultat, skuadrat shkojnë në pushim, ndërsa pjesa e dytë pritet të sjellë më shumë intensitet në kërkim të ndryshimit të rezultatit.

Çekia kalon në epërsi

(E përditësuar, 18:09) Çekia e ka nisur furishëm duelin me Afrikën e Jugut.

Çekët dhe Afrika e Jugut po ballafaqohen në kuadër të Grupit A në Kupën e Botës 2026, ndeshje që mund ta ndiqni drejtpërdrejt në RTK.

Sadilek vetëm pas 6-të minutave lojë zhbllokojë këtë sfidë duke e kaluar në avantazh prej 1-0, skuadrën çeke.

Starton ndeshja Çekia-Afrika e Jugut, LIVE në RTK

Ka startuar dueli mes Çekisë dhe Afrikës së Jugut.

Çekët dhe Afrika e Jugut po ballafaqohen në kuadër të Grupit A në Kupën e Botës 2026, ndeshje që mund ta ndiqni drejtpërdrejt në RTK.

Të dyja kombëtaret vijnë pas humbjeve në ndeshjet e para të grupit. Çekia u mposht 2:1 nga Koreja e Jugut, ndërsa Afrika e Jugut pësoi disfatë 2:0 ndaj Meksikës, duke bërë që kjo sfidë të ketë peshë të madhe në garën për kualifikim.

Një fitore do t’i mbante gjallë shpresat e njërës prej skuadrave për avancim në fazën e ardhshme, ndërsa humbësi do ta vështirësonte dukshëm rrugën drejt kualifikimit.


MË SHUME NGA Botërori 2026