Argjentina fiton ndaj Austrisë, Messi shënon dy herë
Uran Krasniqi / RTKLive
(E plotësuar, 21:03) - Argjentina ka fituar edhe ndeshjen e dytë në Kampionatin Botëror, pasi të hënën e ka mposhtur Austrinë me rezultat 2:0 në ndeshjen e zhvilluar në Arlington.
Lionel Messi ka qenë protagonist kryesor i kësaj fitore, duke shënuar të dy golas dhe duke udhëhequr kampionët e botës drejt një tjetër triumfi në Grupin J.
Goli i parë ka ardhur në minutën e tridhjetë e tetë. Pas një aksioni të nisur nga Facundo Medina, kapiteni argjentinas e ka pranuar topin në zonën e rreptësisë dhe me një goditje të saktë e ka dërguar në këndin e poshtëm të majtë të portës për epërsinë 1:0.
Goli i dytë ka ardhur në minutat shtesë. Në minutën e nëntëdhjetë e pestë, Messi ka përfituar nga një top i kthyer brenda zonës dhe ka reaguar shpejt për ta dërguar topin në rrjetë, duke vulosur fitoren 2:0 për Argjentinën.
Messi ka pasur mundësi ta kalonte Argjentinën në avantazh shumë herArgjentina fiton ndaj Austrisë ët. Në minutën e tetë, pas ndërhyrjes së VAR-it, gjyqtari Amin Omar ka akorduar penallti për Argjentinën pas një ndërhyrje ndaj Lautaro Martinezit në zonë. Megjithatë, Messi nuk ka arritur ta shfrytëzojë mundësinë nga pika e bardhë, pasi goditja e tij ka përfunduar jashtë shtyllës së djathtë.
Në minutën e tridhjetë e dytë, ylli argjentinas ka qenë sërish pranë golit. Pas një pasimi të mirë për Enzo Fernandez, Messi e ka marrë topin në zonë dhe e ka provuar me një goditje drejt këndit të poshtëm, por portieri austriak Alexander Schlager ka reaguar shpejt dhe e ka ndali tentativën.
Argjentina ka qenë më kërkuese në pjesën e parë dhe ka krijuar më shumë raste shënimi, ndërsa Austria nuk ka arritur ta rrezikojë seriozisht portën e Emiliano Martinez.
Në pjesën e dytë, Austria është përpjekur të rikthehet në lojë dhe ka pasur pasur një mundësi të mirë në minutën e pesëdhjetë e pestë. Marcel Sabitzer ka gjuajtur nga një goditje e lirë pranë zonës, por portieri argjentinas Emiliano Martinez e ka pritur duke e mbajtur portën të paprekur.
Argjentina ka pasur rast ta dyfishojë epërsinë edhe në minutën e shtatëdhjetë e tretë, kur pas një goditje nga këndi të ekzekutuar nga Messi, Nicolas Gonzalez e ka provuar me kokë, por topi ka përfunduar pranë shtyllës së djathtë.
Messi realizon, Argjentina në epërsi ndaj Austrisë
Argjentina ka shkuar në pushimin mes dy pjesëve me epërsi 1:0 ndaj Austrisë në ndeshjen e xhiros së dytë të Grupit J në Kampionatin Botëror.
Golin e vetëm në pjesën e parë e ka shënuar Lionel Messi në minutën e tridhjetë e tetë. Pas një aksioni të ndërtuar nga Facundo Medina, kapiteni argjentinas e ka pranuar topin brenda zonës së rreptësisë dhe me një goditje të saktë e ka dërguar atë në këndin e poshtëm të majtë të portës për rezultatin 1:0.
Messi ka pasur mundësinë ta kalonte Argjentinën në epërsi shumë më herët. Në minutën e tetë, pas një rishikimi me VAR, gjyqtari Amin Omar ka akorduar penallti për argjentinasit pas një ndërhyrje ndaj Lautaro Martinezit në zonë. Megjithatë, ylli argjentinas nuk ka arritur të shënojë nga pika e bardhë, pasi goditja e tij ka përfunduar ngushtë pranë shtyllës së djathtë.
Në minutën e tridhjetë e dytë, Messi ka qenë sërish pranë golit. Pas një aksioni të nisur nga Enzo Fernandez, ai e ka provuar me një goditje drejt këndit të poshtëm të majtë, por portieri austriak Alexander Schlager ka reaguar në kohë dhe e ka ndalur tentativën.























