BPV-ja në TM2 2026 shënon rritje reale për 4,06 %, krahasuar me TM2 2025
BKT
Foto| ASK
Ekonomi

BPV-ja në TM2 2026 shënon rritje reale për 4,06 %, krahasuar me TM2 2025

A.B/RTKLive

Agjencia e Statistikave të Kosovës (ASK) ka publikuar të dhënat për Bruto Produktin Vendor (BPV) për tremujorin e dytë të vitit 2026. Sipas ASK-së, BPV-ja ka shënuar rritje reale prej 4.06% krahasuar me të njëjtin tremujor të vitit 2025.

"Tregtia me shumicë dhe me pakicë, riparimi i automjeteve dhe motoçikletave, transporti dhe magazinimi; aktivitetet e akomodimit dhe shërbimit ushqimor 3,48 %; Aktivitetet financiare dhe të sigurimit 15,67 %; Informacioni dhe komunikimi 5,04 %; Arte, argëtim dhe çlodhje, aktivitete të prodhimit të mallrave të familjeve për përdorim të vet dhe shërbime të tjera 1,29 %; Aktivitete shkencore, profesionale dhe teknike, aktivitete të shërbimeve administrative dhe mbështetëse 3,99 %; Industria përpunuese 3,48 %; Industria nxjerrëse, përpunuese, energjia elektrike, gazi, avulli dhe furnizimi me ajër, furnizimi me ujë; aktivitetet e trajtimit dhe menaxhimit të mbeturinave, rehabilitimit 2,60 % Bujqësia, pyjet dhe peshkimi 2,65 %; Ndërtimtaria 15,35 %; Administrata publike dhe mbrojtja, sigurimi social i detyrueshëm, arsimi, shëndetësia dhe aktivitete të punës sociale 0,83 %; dhe Aktivitete të pasurive të paluajtshme 0,81 %", njofton ASK.

ASK njofton se komponentët e BPV-së sipas metodës së shpenzimeve që kishin rritje janë: Eksporti i mallrave dhe shërbimeve 6,82 %; Formimi i bruto kapitalit 11,91 %; Importi i mallrave dhe shërbimeve 9,83 %; Shpenzimet e konsumit final të Qeverisë 7,02 % dhe Shpenzimet e konsumit final të ekonomive shtëpiake dhe NPISH me 4,40 %.

 


MË SHUME NGA Ekonomi