22:14 / 18.04.2019
Pas zjarrit në Notre Dam, Macron e fton Papën ta vizitojë Francën
“Papa Françesku do të vijë në kohën e duhur në Francë”, njoftoi sot presidenti Emmanuel Macron, i cili e ka ftuar atë gjatë një bisede telefonike që ka zhvilluar pas zjarrit që shkatërruar Katedralen Notre Dam në Paris.
“Bisedova me papën në telefon. E ftova që të vijë, dhe ai do të vijë në çastin e duhur”, deklaroi shefi francez i shtetit para rreth 300 zjarrfikësve që morën pjesë në shpëtimin e katedrales gotike.
Emmanuel Macron zhvilloi të martën pasdite një bisedë telefonike me papën, një ditë pas zjarrit që shkatërroi Katedralen Notre Dam.























