Pentagoni do të dërgojë qindra ushtarë në kufirin me Meksikën
BKT
   Bota

Pentagoni do të dërgojë qindra ushtarë në kufirin me Meksikën

Zëvendës Sekretari i Mbrojtjes i SHBA-ve, Patrick Shanahan, njoftoi se kanë miratuar planin për të dërguar 320 ushtarë shtesë me qëllim për të ofruar mbështetje në kufirin SHBA-Meksikë.

Departamenti Amerikan i Mbrojtjes (Pentagoni) do të dërgojë edhe 320 ushtarë në kufirin meksikan, ku po përjetohet kriza e emigrantëve.

Ushtruesi i detyrës së sekretarit të Mbrojtjes të SHBA-ve, Patrick Shanahan, njoftoi se kanë miratuar planin për të dërguar 320 ushtarë shtesë me qëllim për të ofruar mbështetje në kufirin SHBA-Meksikë.

Trupat që do të dërgohen në kufi, njoftohet se do të kryejnë detyra si përdorimin e automjeteve të njësisë së Doganës dhe Mbrojtjes së Kufirit për transportimin e emigrantëve.

Sipas Pentagonit, përforcimet me ushtarë do të kenë një kosto prej 7.4 milionë dollarësh deri në 30 shtator.