Ukrainë, komiku Zelenskiy zyrtarisht fitues i zgjedhjeve
BKT
   Bota

Ukrainë, komiku Zelenskiy zyrtarisht fitues i zgjedhjeve

Zelenskiy ka siguruar 73,22 për qind të votave në rrethin e dytë të zgjedhjeve, kurse kundërkandidati Petro Poroshenko, presidenti aktual, ka marrë 24,45 për qind.

Komisioni Qendror Zgjedhor i Ukrainës njoftoi zyrtarisht fitoren e Vladimir Zelenskiy-it në zgjedhjet presidenciale, raporton AA.

Duke folur në një konferencë për media, Tatyana Slipaçuk, kryetare e komisionit, shpalli rezultatet zyrtare të zgjedhjeve presidenciale.

Komiku Zelenskiy ka siguruar 73,22 për qind të votave në rrethin e dytë të zgjedhjeve, kurse kundërkandidati Petro Poroshenko, presidenti aktual, ka marrë 24,45 për qind.

Zelenskiy pritet të fillojë detyrën si president i Ukrainës pas betimit që do të realizohet më së voni deri më 31 maj.