Pheniani lëshon dy raketa pak pas mbërritjes së emisarit amerikan në Seul
BKT
   Bota

Pheniani lëshon dy raketa pak pas mbërritjes së emisarit amerikan në Seul

Pheniani i cili javën e kaluar testoi lëshimin e raketave, vijoi edhe sot me lëshimin e dy raketave në momentin kur emisari amerikan për Korenë e Veriut është në vizitë në Seul.

”Pheniani mendohet të ketë lëshuar dy raketa me rreze të shkurtër veprimi’’, deklaroi ushtria koreano-jugore në një komunikatë.

Të shtënat ishin të orientuara drejt lindjes në distanca respektive nga 270 në 420 kilometra. Uashingtoni dhe Seuli janë në proces analizimi të ngjarjes.

Lëshimet e raketave u kryen nga Sino-ri, një bazë ushtarake në aktivitet prej disa dekadash, e cila ndodhet rreth 75 kilometra në veri-perëndim të kryeqytetit.

Zyrtarisht, Koreja e Veriut nuk ka kryer një lëshim rakete që nga nëntori 2017.