Si të përgatisni sallatë me avokado e salmon
Përbërësit:
100 gr salmon i tymosur
1 qepë e kuqe
1 qepë e njomë
1 avokado
2 fije kripë
piper i bluar freskët
1 lugë gjelle vaj ulliri
1 lëng limoni
rigon
borzilok
Udhëzimet:
1 Qepën e kuqe dhe qepën e njomë pastrojini e grijini imët. Kriposini e hidhjuni lëngun e limonit e lërini të pushojnë për 2 minuta.
2 Avokados largojani bërthamën dhe qërojani lëvoren e më pas priteni në kubikë të vegjël, kriposeni e piperoseni e hidhini lëng limoni.
3 Salmonin priteni në kubikë të vegjël.
4 Më pas bëni gati dy pjata. Në secilën vendoseni nga një formë metalike. Në fund të secilës formë shtroni avokadon e përgatitur, më pas një rend qepë të kuqe e të njomë e në fund salmonin e përgatitur.
5 Hiqeni me kujdes formën metalike e më pas sallatën spërkateni me pak vaj ulliri, piper të bluar freskët dhe në fund dekorojeni me gjethe rigoni e borziloku.
6 Është mirë, që para servimit, sallata të ftohet mirë. Ju bëftë mirë.























